Սոյան և սպիտակուցը՝ կազմվածքը պահպանելու բանալի. 1in.am

Սննդաբաններն առաջարկում են կեսօրից հետո նախընտրությունը տալ սպիտակուցային և սոյայով սննդամթերքին: Դա հնարավորություն կտա հաղթահարել քաղցը, վնասակար սննդի նկատմամբ ձգտումը, հետևաբար՝ պահպանել կազմվածքը: The Daily Mail-ի հաղորդմամբ՝ առաջին անգամ պարզվել է, որ այդպիսի ռեժիմը շատ արդյունավետ է և՛ մեծահասակների, և՛ երեխաների դեպքում:

Միսուրիի համալսարանից բժիշկ Հիզեր Լեյդին բոլոր դեռահասներին կոչ է անում սպիտակուցային և սոյայով սնունդ ուտել՝ հրաժարվելով շաքարով ու ճարպով հարուստ մթերքներից: Այդպիսի ռազմավարությունը նվազեցնում է հավանականությունը, որ դեռահասը երեկոյան վնասակար մթերք կուտի: Սա ապացուցել է 13-19 տարեկան կամավորների մասնակցությամբ փորձը:

Բացի սննդային վարքից՝ գիտնականները գնահատել են դեռահասների տրամադրությունն ու աշխատունակությունը: Պարզվել է՝ բացի սննդային վարքի վրա դրական ազդեցությունից և քաղցի ուժից, սպիտակուցային և սոյայով սննդամթերքը բարելավել է կոգնիտիվ գործառույթն ու տրամադրությունն օրվա ընթացքում:

Հարցեր, պատասխաններ, մեկնաբանություններ